Kon bo organisashon por partisipá?

Kon pa inskribí bo organisashon pa partisipá na CURA DOET 2018?

Via di e website aki mes. Djis klek riba e boton aki bou i kuminsa e proseso. Sigi kada stap i yena tur detaye mas kompleto ku ta posibel. Duna mas informashon di bo organisashon, kaba bo proyekto i despues hasi bo petishon pa aporte finansiero.

Log in i inskribí

Kiko bo mester yena?

  • E datosnan korekto di bo organisashon i e punto di kontakto;
  • Un deskripshon komprendibel i entusiasmá di e trabou;
  • E kantidat i di boluntario ku bo ta buska;
  • Kiko ta pidi komo aporte finansiero i kon bo a hasi e kalkulashon aki.

Si bo yena tur kos bon, e boluntario interesá por haña bo proyekto paso e ta visibel mesora riba e website. Tambe bo ta haña un notifikashon ku bo petishon pa aporte finansiero a ser risibí i ku nos lo evaluá esaki. 

Kiko bo mester tene kuenta kune pa haña aporte finansiero?

Bishitá e link di Aporte finansiero pa bo por haña mas informashon di e kondishonnan.

Bo mester di sosten?

Bo mester di yudansa pa pensa un bunita proyekto, bo ke mas publisidat pa bo proyekto, òf bo ke sa kon bo por haña mas boluntario pa yuda bo organisashon? Tuma kontakto ku Curaçao Cares i ku gustu nos lo yuda bo kompletá inskripshon di bo organisashon. Mas pronto nos tende di bo, mas mihó nos por yuda bo.

Importante pa tene kuenta!

Oranje Fonds ni Curaçao Cares no ta para responsabel pa kualke aksidente òf daño durante CURA DOET. Plania bo tarea teniendo seguridat di boluntarionan na kuenta i no tuma niun riesgo. Preferibel laga partinan tekniko di un tarea den man di profeshonal. Sòru tambe pa bo organisashon ta sigurá.