Tokante CURA DOET

Riba dia 9 i 10 di mart di 2018 lo tuma lugá e akshon boluntario di mas grandi na Kòrsou i den reino!

Bou di e nòmber NLdoet, ARUBA DOET, BON DOET, CURA DOET, STATIA DOET i SXM DOET, e sinku inisiativanan akí tin komo meta pa enfoká importansia di trabou boluntario i pa stimulá tur suidadano pa pone man na obra un (parti di un) dia, na bienestar di hinter komunidat!

CURA DOET ta un inisiativa di Curaçao Cares i Oranje Fonds.

Curaçao Cares ta un plataforma pa boluntario ku ta forma un brùg entre boluntario, kompania i organisashon sosial i ku tin komo meta stimulá embolbimentu sosial i aserkamentu entre suidadanonan. Curaçao Cares ta dediká na yuda amplia, reforsá i promové trabou boluntario na Kòrsou.

Lesa mas

Oranje Fonds ta sostené inisiativanan sosial den Reino ku fondo, konosementu i kontakto. Hulanda ya tin hopi aña ta organisá NLdoet, kual ta e inspirashon pa akshonan di CARIB DOET riba e diferente islanan. Oranje Fonds ta e fondo nashonal mas grandi riba tereno sosial, i ta saka kara di Reino. Kada aña e ta gasta mas o menos € 30 mion na organisashon i proyekto ku ta reforsá unidat sosial na Hulanda i den e parti di Reino den Karibe. Rei Willem-Alexander i Lareina Máxima ta e pareha protektor di e fondo.

Serka hopi organisashon sosial, boluntarionan ta e kurason ku ta bati! Curaçao Cares i Oranje Fonds ta mustra ku CURA DOET kon importante siudadano aktivo ta pa nos komunidat. Tambe CURA DOET ta krea un bon imahen pa trabou boluntario i ta mustra kon agradabel i den bon ambiente trabou boluntario por tuma lugá.

 

Sosionan

Bo kompania tambe ta sostené e akshon boluntario di mas grandi na Kòrsou ku lo tuma lugá dia 9 i 10 di mart 2018?

Pa kumpli ku tur e tareanan ku tur e organisashonan partisipante lo ehekutá mester di hopi rekurso. Esei por ta den forma di material manera fèrf of palu, pero tambe kompras pa pasaboka òf lunch pa e boluntarionan.

Mas informashon »

Prensa

Informashon CURA DOET 2017

E di kuater edishon di CURA DOET lo tuma lugá dia 10 i 11 di mart 2016. Huntu ku NLdoet, BON DOET, ARUBA DOET, STATIA DOET i SXM DOET, e seis inisiativanan lo forma e akshon boluntario di mas grandi di reino.

Informashon CURA DOET 2016

Durante CURA DOET 2016, 156 organisashon sosial ku yudansa di mas ku 3900 boluntario a klara mas ku 184 tarea i aktividat. E promé edishon tabata un éksito total i e di dos edishon lo bira aún mas grandi.

Sin boso nos no ta logra

Mas informashon »

Mas informashon »

Disclaimer

Oranje Fonds ta trata di mantené e website akí lo mihó posibel.Ta diferente inisiadó di trabou i aktivat relashoná ku eseinan ta pone gran parti di e informashon riba e website akí. Oranje Fonds no ta responsabel pa verasidat di e informashon akí, ni pa e kalidat di e trabounan. P’esei e organisashon no por aseptá ningun responsabilidat den ningun forma òf kantidat, ku por ta resultado di sea uzo di, ni konfiansa den, e informashon ofresé riba e website akí.

Mas informashon »