Renovatie en verbetering van het Rescue Center

Renobashon i Mehorashon di e Sentro di Reskate na Pippi’s Shelter Foundation - CuraDoet 2025

Deskripshon di e proyekto:
Fundashon Pippi’s Shelter on Curaçao ta ofresé un refugio sigur pa kachó den nesesidat. Durante CuraDoet 2025 nos ke mehorá nos sentro di reskate profundamente. E proyekto aki ta dirigí riba trabounan di mantenshon nesesario pa optimalisá e ambiente di bida di nos bestianan i pa garantisá e seguridat di e sitio. Nos ta enfoká riba:
1. Trabou di verf: Repinta e kuránan pa protehá nan kontra influensianan di wer i pa duna nan un aparensia fresku.
2. Kita i remplasá palu putri: Ta remplasá piesanan di palu putri pa tene e kuránan sigur i duradero.
3. Bashamentu di betòn: Na lugánan kaminda kachó ta koba hopi, nos ke basha betòn pa evitá buraku i aksidente.

Kiko ta nesesario?
Nos ta buskando boluntarionan entusiasmá di 18 aña bai ariba. Debí na e naturalesa di e trabou - inkluso e uso di hèrmènt i material di konstrukshon - e proyekto aki lamentablemente no ta adekuá pa mucha. Adultonan ku un aktitut práktiko, boluntat pa traha duru i un pashon pa bestia ta mas ku bon biní. Sea bo ta na man ku un pinsel, por remplasá palu òf simplemente ke kontribuí na un bon kousa: nos mester di bo yudansa!

Dikon e proyekto aki?
E sentro di reskate mester di un infrastruktura sigur i bon mantené pa por sigui funshoná. E proyecto aki ta haci un impacto directo y duradero riba e bienestar di e cachonan y ta yuda nos como fundacion pa sigui cu nos trabao. Ademas, e ta trese komunidat huntu pa huntu hasi un diferensia.

Kiko e ta duna?
• Pa e cachonan: Un estadia mas sigur, limpi y agradabel.
• Pa e boluntarionan: Un eksperensia signifikante den kua bo ta komprometé bo mes na bienestar di bestia.
• Pa Pippi’s Shelter Foundation: Un sentro di reskate sostenibel i robusto ku ta kla pa futuro.

Enbolbí bo mes!
Bira parti di un proyekto signifikante i yuda Stichting Pippi’s Shelter durante CuraDoet 2025. Huntu nos ta proveé ​​un mihó ambiente di biba pa kachó den nesesidat. Nos ta spera di por traha ku bo pa hasi un diferensia grandi!