Ban kopera ku limpiesa i mantenshon di SOV Asiento

Sport- en Ontspanningsvereniging Asiento (SOV Asiento), popularmente konosi komo Rustenburg, tin mas di 100 aña ta kontribuí na deporte na Kòrsou ku su kanchanan di tènis, futbòl i demas fasilidatnan. Nos meta prinsipal ta pa promové práktika di deporte bou nos miembronan en partikular i pueblo di Kòrsou en general. Tin varios area riba tereno di SOV Asiento ku ta rekeri un bon mantenshon.
Pa e motibu aki, SOV Asiento ta buska bo sosten pa asistí ku diferente trabou di limpiesa i mantenshon na nos lokalidat na Rust en Burghlaan z/n.
Bo tin eksperensia ku kapmentu di palu, kòrta yerba, trabou di las, fèrf, etc? Nos mester di bo koperashon!
Si bo no tin eksperensia, bo tambe ta bon bini pa yuda nos duna SOV Asiento un face lift.