Project "Sound Proof Wall"

Push Curaçao Fundashon ta basa den Scherpenheuvel. E edificio aki a bira disponibel recientemente, pero ainda mester wordo totalment instalá. E espasio tin baños i un kuchina i lo wordo habilitá pa sirbi komo un lugá kaminda taller di arte por wordo duna, pero tambe komo un base kreativo kaminda hubentut por sinti nan na kas i por desaroyá nan kreatividat.

Nos ke kreá un lugá ku tin kavalete di pintamentu, pa por duna les di pintamentu i taller, pero tambe kaminda hubentut por traha nan obra individual. Aparte di esaki, nos ke ofresé un espasio pa e kreativo digital; mesa di traha kaminda hende por traha ku laptop, siña of den un forma di taller. Pa hubentut por sinti nan na kas, nos lo krea un lounge tambe, kaminda hende joven por reuni pa intercambia nan idea i konektá ku otro. Komo último, nos no ke limitá nos mes solamente na kreatividat visual, pero tambe ke ofresé un espasio pa e kreativo musikal, kaminda nan por subí nan abilidat musikal na un nivel mas haltu. Pasobra, muzik ta un parti grandi di kultura di Kòrsou.

Ehecushon di e proyecto
Den edificio di Push Fundashon, un skina lo wordo transformá den un lugá di ensayo pa muzikanten individual i bandanan. Loke nos mester pa esaki ta un muraya di separashon ku ta insonorizá/dempa zonido, pa evitá molestia ora un hende ta praktiká.

Push Fundashon Kòrsou ta kere ku esaki por bira realidat ku yudansa di Cura Doet. Nos ta pidi sosten finansiero i boluntario ku ta eksperto pa yuda nos realisá e proyecto aki. Mester instalá un muraya ku glasfiber den dje, i un porta pa hasi e espasio akcesibel. Na banda di aden lo pone material ku absorbe zonido pa dempa e sonido. Duranti e proyecto, dos persona di e fundashon lo presente pa yuda ku e konstrukshon di e muraya. Tur material i herramienta nesesario lo wordo fornesé pa Push Fundashon.