Un Lugá pa traha Memoria i Alegria

Duna nos un man i hasi un impakto positivo! Nos ta buskando voluntario pa yuda limpia i traha un area di rekreashon speshal pa e muchanan i hóben ku ta hasi uso di e fasilidatnan na Beacon Learning Center. Nos meta ta kreá un espasio sigur, limpio i dibertido kaminda nan por relaha, rekrea, i disfrutá di aktividadnan di naturalesa. E area ta inkluí espasionan pa plantashon, banki pa sinta, i lugarnan kreativo pa muchanan por hasi actividadnan artístiko òf hasi ehersisio. Bo kontribushon lo yuda mehora e kalidat di edukashon i rekreashon di e hobennan un lugá ku lo inspirá nan i yuda ku nan desaroyo tambe.