Bo ta un organisashon sosial ku tin un tarea òf aktividat ku bo no por a realisá? Bo no tin sufisiente man pa yuda bo? Bo kier drecha un lugá pa mucha hunga òf un sitio di deporte pa hóben? Dal sentro di bario un bon limpiá òf fèrf ? Durante CURA DOET tur esaki ta posibel! Anto no ta pa tur aktividat tin mester di bleki di fèrf, ni martin ku klabu. Man pa yuda i orea pa skucha tambe ta bonbiní. Pensa por ehèmpel riba un dia ekstraordinario pa e habitantenan di un kas di grandi. Bo sa kon kontentu nan lo keda ku un desayuno festivo, un mèrdia di wega, un dushi komementu mèrdia òf un keiru den konvoi.
Inskribí bo proyekto via di e wèpsait aki mes, promé ku dia 28 di desèmber 2023. Pa por inskribí bo mester tin un deskripshon kòrtiku di bo proyekto i tambe un idea di kiko e gastunan lo ta. Via di e wèpsait aki mes bo ta hasi bo petishon pa un aporte finansiero p'un máksimo di 1100 florin.
Djis klek riba e boton aki bou i kuminsá e proseso.
Bo ke mas informashon?
Bo tin pregunta òf bo kier mas informashon? Ku plaser nos ta yuda bo. Manda un email na curadoet@curacaocares.org òf yama na +5999 788 1953 i puntra pa un miembro di tim di CURA DOET.