Partisipá ku bo amigunan òf bo famia
Komo persona partikular tambe bo por partisipá na CURA DOET. Sea ku bo ta bini bo so, ku amigu òf ku henter bo famia, semper tin proyekto kaminda por kontribuí. Pensa por ehèmpel riba un limpiesa riba un playa, òf bai yuda un krèsh pa dal tur e ko’i hunga nan un bon labá. Tin kos pa tur hende hasi. Rònt Korsou tin trabou pa hasi i tur kaminda mester di boluntario. Buska un proyekto ku ta pas ku bo interes riba e wèpsait i inskribí!
Partisipá komo grupo
Ora hopi dun’un man, trabou ta kana lihé. Dikon no partisipá komo grupo? Reuní bo famia, bo koleganan, miembronan di bo klup òf bo klas i skohe un trabou boluntario pa boso hasi. Esei ta un bon manera pa hasi un bon obra huntu.
Pone bo nòmber òf logo
Si bo ke yuda komo grupo òf kompania, bo por pone nòmber òf logo di bo grupo ora di inskribí. Asin’ei na un manera fasil bo por promové e kompromiso di bo empresa, klup di deporte, skol òf klup di servisio.